Beşê Kar û Barê Rojhelatê Nêzdî yê Wezaretê Karê Teberî yê Amerîka va, "Amerîka kombîyayîşê Mesûd Barzanî û Mezlûm Ebdî ra memnun a."
Mesûd Barzanî û Fermandarê Pêroyî yê Hêzanê Sûrîya Demokratîk (HSD) Mazlûm Ebdî 16ê na aşme Hewlêr de ameyî têhet.
"Amerîka memnun a"
Beşê Kar û Barê Rojhelatê Nêzdî yê Wezaretê Karê Teberî yê Amerîka hesabê xo yê Xî ra nê kombîyayîşî ser o yew beyanat da û va:
"Amerîka kombîyayîşo ke 16ê Çeleyî de mabênê Serekê Partîya Demokrat a Kurdistanî (PDK) Mesûd Barzanî û Fermandarê Pêroyî yê Hêzanê Sûrîya Demokratîk (HSD) Mazlûm Ebdî de virazîya, ey ra memnun a."
"Dîyalogo ke mabênê kurdan de yo eşkeno rolêko muhîm kay biko"
Beyanat de behsê muhîmîya dîyalogê mabênê kurdan kerdbî û vîyartbî:
"Dîyalogo ke mabênê kurdan de yo eşkeno averşîyayîşê vurîyayîşê sîyasî yê hemegirewte yê Sûrîye de rolêko muhîm kay biko."
