Dadgeha Cezaya Girane ya Dêrsimî 6 serrî û 3 aşmî cezaya hepisxaneyî da Hemserekê Şaredarîya Dêrsimî Cevdet Konak.
Hemserekê Şaredarîya Dêrsimî Cevdet Konak semedê "endamtiya rêxistinî" vejîya mehkema vera.
Cevdet Konak va: "Na dewa serra 2022î de ameya akerdiş. Na hedîse zî serra 2013î qewimîyaya û peynî de qerarê teqîpnêkerdişî amebi dayîş. Ez hewt aşmîyo ke serekê şaredarî ya. La nika mi rê 6 serrî û 3aşmî cezaya hepisxaneyî ameya birnayîş. Kenê ke bi no qayde cezaya hepisxaneyî bide mi.”
Serekê Şaredarîya Pilûrî yê CHPyî Mustafa Sarigul zî eynî dewa ra 6 serrî û 3 aşmî ceza girewt.
Dewa de şîyayîşê merasîmanê cenazeyan, beyanatê çapemenî û çalakiyê vera viraştişê bendawan ê serranê verênan sey sûc ameyê hesibnayîş.
Mustafa Sarigul va: 'Semedo ke ma şîyê cenazeyan cezaya ma rê ameya birnayîş. Bi nê cezayan kenê ke wa kes nêşîro cenazeyan. Ma karê xo kenê. Çira karo ke ma kenê sey sûc yeno hespibnayîş?'
