ZAZAKÎ NEWS - Tarîxê Kurdan de çend dewletî estê ke Kurdan yan bi xo yan zî bi îtîfaq nayê ro. Nê dewletî wayîrê xoserî û azadîye bîyê, Îlim û kar û çekuye û pisporîye de zaf aver şîbî.
Kurdan seba pawitişê erd û welatê xo şarê Asûr û Aqadan dir zaf rey ceng kerd.
Dewrê qiralê Lolowanî ke 2800 serrî verî herêma Halman (Hîlwan) ra heta herêma Zêhawe pêro binê destê Lolowanan de bî. Sînorê dewleta înan, bajarê Silêmanîye, Sexan, Zêhawe, Şehrezûr û Kerkûk bi. Paytextê înan bajarê Zirnîye bîyo.
Dêrsim de nameyê yew eşîra Lolan esto.
Dewleta Lolo
Şarê Lollo dewletêka xurt û erjaye viraştibi. Na dewlete nêzdîyê hezar serrî dewam kerda. Serra 1800 verê Mîladî de Aqadî êrişî înan kenê û dest nanê erde înan ser. Wexto ke Gotî welatê Aqadîyan zeft kenê, şarê Lollo zî vera înan şer kenê û benê xoser. Loloyan dewleta xo sey dewleta Gotîyan zî name kerdêne.
Serra 1000 verê mîladî de Asûrî na rey êrişê welatê înan înan kenê. Qiralê înan Amutîs remeno qela (Pîrmigîlon) û Asûrî paytextê înan bajarê Zirnîye zeft kenê. Badê cû Asûrî mîyanê xo de pare kenê. Dewleta Asûrî tewr peynî hetê împeratorîya Medî ra amey zeftkerdiş.
