Dîyarbekir de qezaya Sûr de çawuşê pispor Muhammed Recaî Işik, badê ke cênîya xo Bedriye Işik kişt, bi tifingê xo, xo zî kişt.
Hedîse ewro nêmeroj caddeya Melîkahmetî ser yew dikanê tekstîlî de amey meydan. Goreyo ke ame zanayîş çawuşo pispor Muhammed Recaî Işik o ke Îzmîr de xebitîyêne, pê çeke xo cinîya xo Bedrîye Işik a ke waştêne ey ra cêra biba kişt û badê pey xo kişt.
Gama ke hedîse pêhesîya, ekîbê polîs û weşîye şawîyayî cayê hedîse. Ekîbanê weşîye kontrolê xo de dîyar kerd ke her di kesî zî merdê.
Cenaze semedê otopsî şawîya Morga Tiba Edlî û derheqê hedîse de tehqîqat dîya dest pêkerdiş.
