Nuştox û cigêrayox Weysel Yıldızhanî roja 08.09.2024î Dîyarbekir de semedê daşinasnayîşê kitabê xo yo bi nameyê 'Ferhengê Tarîxî yê Kirmanckî-Bi Tarîxê Nusîyayena Xo Ya Tewr Kehene Çekuyê Kırmanckî (Zazakî ) (1798-1903)' eleqedaranê Zazakî dir ame yewca.
Moderatorîya terraqe hetê Niştox û endamê Grûba Vateyî Uğur Sermîyanî ra amey kerdene.
Terraqe hetê Însîyatîfê Morceleyanê Kirmanckî û Weşanxaneyê Vateyî ra ame tertîbkerdiş. Cayê terraqe cayê Weşanxaneyê Vateyî ke Qonaxê Îskenderpaşayî de yo de bi.
Kitabê Veysel Yildizhanî yê bi nameyê 'Ferhengê Tarîxî yê Kirmanckî-Bi Tarîxê Nusîyayena Xo Ya Tewr Kehene Çekuyê Kırmanckî (Zazakî ) (1798-1903)' hetê Weşanxaneyê Peywendî ra weşanîya.
Yildizhanî qiseykerdişê xo de semedê hetkarîya M. Malmîsanijî ey rê sipas kerd. M.Malmîsanij o ke bi xo zî amebi terraqe zî badê qiseykerdişê Weysel Yıldizhanî yew qiseykerdiş kerd û semedê xizmetê ey ey rê sipas kerd û serkewtiş waşt.
Zazakî Newsî zî cimatê Zazayan teqîp kerd û şima eşkenê qiseykerdişan vîdeo ser ra temaşe bikerê.
Bilhuda Doğan