Rojê Şinasnayîşê Dîyarbekirî hetê Şaredarîya Kagithane û Federasyona Komeleyanê Dîyarbekirî ra yeno organîzekerdiş û do di rojan dewam biko.
Kesê ke şonê uca, îna rê penîr, qehwe, rîvî, şirdan, ceger û qedayîfî yenê îkramkerdiş.
"Ma do Reyna Dîyarbekir Tîya de Bişinasî"
Serekê Şaredarîya Kagithane Mevlut Oztekînî va: "Verê her çî ez Dîyarbekirê ma rê vana şima bi xeyr ameyî. Ez serekê federasyonî, hemê hemşerîyanê xo, serekê şaredarîye û walîyê ma rê sipas kena. Ma do reyna Dîyarbekir tîya de bişinasî."
Viraştişanê werdişî reyde dezgeha tevnî zî ameya ronayîş û hostaya cinî vana wexto ke şar aye vîneno keyf keno ke no kulturî dewam keno.
"Wexto ke tayê vînenê keyf kenê"
Hostaya Tevnî Nezihe Cengize wina va: "Ma herîr virazenê. Rengkerdiş, antiş, ma pêro karan bi xo kenê. Wexto ke tayê vînenê keyf kenê û pers kenê vanê to senî viraşto. Mamostaya ma esta û ez tenya nîya ma 15 kesî perwerde vînenê. Atolye esta û her kes tevna ci esta. Ma bi no hewa debara xo kenê."
Bernameya "Rojê Şinasnayîşê Dîyarbekirî" bi hemkarîya Şaredarîya Kagithane û Federasyona Komeleyanê Dîyarbekirî ameya organîzekerdiş.
Rojê Şinasnayîşê Dîyarbekirî roja şeme dest pêkerd û do heta 5ê na aşme dewam biko.
