Badê 43 aşman Îmralî de pêvînayîşêk ame kerdiş.
Serekê PKKyî Abdullah Ocalan badê 43 aşman hewa verêne Îmralî de birarzayê xo Omer Ocalan reyde pêvînayîş kerd.
Omer Ocalanî derheqê pêvînayîşî de hesabê xo yê medya dîjîtale ser ra parekerdişêk kerd û va: “Birêz Abdullah Ocalanî dir tewr peynî 3yê adara 2020î de pêvînayîş amebi kerdiş. Mas ey keyeyê ey ewro ey dir pêvînayîş kerd. Pêvînayîşê keyeyî heqêko qanûnî yo û ma wazenê nê heqê xo bîyarê ca.”
Abdullah Ocalanî ra mesaj ame
Abdullah Ocalan o ke badê 43 aşman keyeyê xo dir pêvînayîş kerd yew mesaj erşawit û va ke: “Şert û îmkanî çi bibê wa bibê, ez wayîrê hêzêko teorîk û pratîk a ke nê prosesê şer û şîdetî bîyarî zemînê hiqûqî û siyasî ser.”
Vengdayîşê Bahçelî
Serekê Partîya MHPyî Devlet Bahçelîyî 22ê na aşme de yew game eştbi û vatbi; Wa Abdullah Ocalan Îmralî ra bêro meclîs, kursîyê DEM Partî de qisey biko û veng bido PKK ke fek şer û çekî ra veradayo.
