ZAZAKÎ NEWS - Serdozgerîya Komare ya Stenbolî eşkera kerd ke vera Komîteya Îdarekerdişî ya Merkezî ya Eğitim Senî ya ke roja sêşeme qerarê grevî dabî, tehqîqat dîyaya dest pêkerdiş.
Sendîkaya perwerdeyî ya Egitim Senî vizêr qerarê grevî dabi.
Eğitim Senî beyanatê xo ya vizêrîne de vatbi: "Ma vera muhameleyÊ nêdemokratîkî, tahde û bêheqîya ke demêko derg o dewam kenê kişta wendekaran de ca gênê!"
Egitim Senî îfade kerdbi ke 25ê Adara 2025î, roja sêşeme, unîversîteyan de xizmet nêdanê.
Beyanatî ra dima, Serdozgerîya Komare ya Stenbolî eşkera kerd ke seba ke "bê ke şertê qanûnî yê grevî ardê ca" qerarê grevî ameyo dayene, vera Komîteya Îdarekerdişî ya Merkezî ya Eğitim Senî tehqîqat dîyayo dest pêkerdiş.
