Qezaya Riha Sêweregi de dewa Esmerçayî de mabênê di keyeyan de pêrodayîş vejîya û pêrodayîş de 6 kesî birîndar bîyî. Pêrodayîşo ke mabênê keyeyanê înan Gul û Polatî de vejîya de kerra, dar û çiwayî ameyî xebitnayîş.
Kesê ke pêrodayîş de birîndar bîyî nameyê înan wîna yê; Bayram Polat (61), Xelîl Polat (43), Remezan Gul (63), Veysî Gul (27), Cafer Kiran (33) û Xelîl Kiran (63) ê.
Wexto ke pêhesîya pêrodayîş vejîyayo, polîsî û tîmê weşîye ameyî cayê bîyayîşî û birîndarî bi embulansan berdî nêweşxaneyê dewlete yê qezaya Sêweregi.
Semedo ke wa keyeyî reyna pêrodayî nêkerê, polîsan nêweşxane de tedbîrê asayîşî girewtî.