Wezîrê Teberî yê Tirkîya Hakan Fîdanî va ke, ê pawenê ke Serekê Amerîka Donald Trump hemkarîya xo ya Yewîneyê Pawitişê Şarî (YPG) reyde vindarno. Fîdanî aşkere kerd ke, tewr peynî înan operasyonê xo yê vera YPGyî de 23 milîtanî kiştê.
Tirkîya YPG û PKKyî sey yewbînan vînena, labelê Amerîka ke PKKyî sey rêxistinêka terorî hesab kena, YPGyî sey hemparêka muhîme ya têkoşînê vera Dewleta Îslamî (DAÎŞ) vînena.
Fîdanî îdîa kerd ke YPG vera DAÎŞî têkoşîn nêdana û va ke, teyna DAÎŞîyan hepisxane de tepişena.
Tirkîya demêko derg o ke Washingtonî ra wazena ke destegê xo yo YPGyî vindarno. Hêzê Tirkîya û grûbê ke destegê înan gênê, badê kewtişê Beşar Esadî çend rey hêrişê şerwananê YPG kerd.