ZAZAKÎ NEWS - Qasim Yuruk o ke Dîyarbekir de Sîteyo Senayî de esnafî kerdêne û pîyê 2 gedeyan bi, atolyeya xo de merde ame vînayîş.
Hedîse, 7ê Gulane roja Pencşeme şan de Dîyarbekir de Taxa Seyrantepe de ame meydan. Goreyê malumatanê ke ameyê girewtene, Qasim Yuruk dikanê xo de aleqnaye ameyo vînayîş.
Vajîya ke; Badê qedênayîşê karî ey embazanê xo ra vato, şima şene keye ez tay mudet atolye de manena. Embazê karî yê ke mudetêko derg nêeşkayî ci ra xeber bigîrê, şîyê atolye. Embazê ci ke eşkayê bi mifteyî berê dikanî akerê bi lewye ber şikitê û kewtê zerre, Qasim Yuruk dardekerde vînayê.
Hedîse sey xokiştiş qeyd bîya
Wexto ke hedîse pêhesîya polîsî û ekîbê weşîye neqlê cayê bîyayîşî bîyî. Ekîbê weşîyê, Qasim Yuruk o ke 35 serrî bi, seba karê otopsî berd morgê Nêweşxaneyê Perwerdeyî û Cigêrayîşî yê Gazi Yaşargilî. Hedîse, qeydanê polîsan de sey xokiştiş qeyd bî.
Goreyê malumatê ke ameyê girewtiş, pîyê 2 tutan Qasim Yuruk, demêk bi ke tengî de bîyo. Wexto peyên de cayê karî de rakewtêne. Cenazeyê Yurukî goristanê Merdinkapî de defn bî.
Çewlîg ra bi
Ame musayîş ke Qasim Yuruk dewa Darahênî Mistan ra bi. Cayê tazîyaya ey cayê tazîye ya Mistanijan de yo.
