Amed de seba vîrardişê qurbanîyanê zelzeleyê 6ê Sibate yew merasîm ame viraştene.
Merasîm şewe saete 04:17 de vernîya bînaya Serîne de virazîya ke rijîyayîşê na bîna de 77 kesî merdbî.
Merasîmê vîrardişî hetê Platforma Bajarî ya Amedî ra ame organîzekerdene.
Hemserekê Şaredarîya Bajarê Girdî ya Amedî Dogan Hatun, Parlamenterê CHPyî Sezgîn Tanrîkulu û temsilkarê sazî û dezgeyanê sivîlan zî amade bîyî.
Merasîmê vîrardişî de ame vîrardene ke zelzele de Amed de 409 kesî dinyaya xo bedilnabî.
Kesê ke beşdarê merasîmî bîyî, cayê ke bînaya Serîne rijîyabî de qerefîlî ronayî.
Dogan Hatunî dîyar kerd ke no zelzele reyna mojnayo ke şar tena yo û ganî ê derheqê zelzeleyî de şarî hîşyar bikerê û tedbîrê lazimî bêrê girewtene.
