Amedsporî vera Pendîksporî 1-0 serkewt û Îstanbul ra pê 3 puanan ageyra.
Amedspor û tîma Îstanbulî hefteyê 29. ê Lîga Yewin a TFFyî de Stadyuma Pendîkî de ameyî têver.
Amedspor o ke seba 3 puanan vejîyaya seha, nîmeyê yewinî de vera Pendîksporî kayêko bitesîr kay kerd.
Amedsporî her çiqas performansêko hol mojna û hîrê topî zî dîreke ra ageyrê, nêeşka gol bierzo û nîmeyê yewin 0-0 qedîya.
Nîmeyo dîyin de zî kontrolê kaykerdişî destê Amedsporî de bi la gola ke ci geyrêne nêeşka bivîno heta deqîqeya 90+4.
Kaykerê Amedsporî Bruno Lourenço deqîqeya 90+4. de golek eşt û tîma xo 1-0 berd aver û maç bi nê skorî qedîya.
Amedsporî bi serkewtişê xo yê peyênî puanê xo vet 43 û vejîyê rêza 8. û şansê xo yê play offî zêde kerd.
Amedspor peynîya hefteyî (16ê Adare) do deplasman de Erzurumspor reyde kay bikero.
