Serekê Partîya MHP Devlet Bahçelî vengdayîşê Serekê Partîya Karkeranê Kurdistanî (PKK) Abdullah Ocalanî beyanatêko nuştekî vila kerd.
Bahçelî beyanatê xo de va ke, vengdayîşê Ocalanî yo ronayîşê çekan sere ra hetanî peynî erjaye û muhîm o.
Ey dewamê beyanatê xo de îzah kerd ke, qerarê PKKyî yê adirnebestî zî muhîm vîneno.
Tirkîya de proseso newe 22yê Teşrîna Verêne vengdayîşê Bahçelî ra dima dest pêkerdbi.
Bahçelî kombîyayîşê partîya xo de vatbi ke Ocalan bi şertê vindarnayîşê çekronayîşê PKKyî eşkeno kombîyayîşê Partîya Seypeyî û Demokrasî ya Şaran (DEM Partî) de qisey bikero û seba heqê hêvîdarbîyayîşî rê muracat bikero.
Bahçelî beyanatê xo yê nuştekî de îzah kerd ke eger proses bê kêmasî dewam bikero do "biratîya Tirkan û Kurdan a hezar serrî" na seserre de hîna xurt bibo.
Serekomarê Tirkîya Recep Tayyîp Erdogan zî vengdayîşê Ocalanî ser vatbi ke ê dest bi dewrêko newe kenê.
Erdoganî eşkera kerdbi ke nika şansî ameyê meydan ke ê seba sibarojî gamanê tarîxîyan bierzê.
Erdoganî provokasyonanê mumkinan ser zî hişyarî dabi û vatbi ke ê do prosesî bi dîqqetî teqîb bikerê.