Bi qerarê dadgehî, hesabê Ekrem Îmamoglu yo platformê Xî ame astengkerdiş.
Ekrem Îmamoglu 19ê Adare de operasyonê Şaredarîya Bajarê Girdî ya Îstanbulî de ame tepiştiş û wazîfe ra zî ame dûrîvistiş.
Dadgehî qerarê dadgeha astengkerdişê hesabê Xî yê Ekrem Îmamoglu Dezgeyê Teknolojîya Malumatî û Ragihandinî yê Tirkîya (BTK) rê şawit.
Bi nê qerarî reyde hesabê medyaya komelkî yê Ekrem Îmamoglu sînoranê Tirkîya de ame astengkerdiş.
Rayberê CHPyî vera nê qerarî reaksîyon mojnayî.
Hetkarê Serekê Grûba CHPyî Gokhan Gunaydinî hesabê xo yê Xî ser o vera qerarî vejîya û va:
"Înan hesabê Ekrem Îmamoglu yê Xî Tirkîya de asteng kerd.
Meşte do mîlyonan hesabê Xî seba Serekî bibê. Kitabê şima decamêrdîye çin a, no demêk verê cû zî bewlî bîbî.."
