Şaredarîya Amedî ya Şaristanê Girdî, 4 qeza û herêma Qerejdaxî de 98 taxe û 14 rayîrê grûban ke 625 kîlometreyî derg bî û seba varayîşê vewre yê tesîrdarî girewîyaybî, bi xebatanê ke kerdî, resî rê akerdî.
Serekîya Daîreya Pawitişê Rayîran û Koordînasyonê Binawanî, Pasûr, Pîran, Hêni, Şankûş û herêma Qerejdaxî de ke vewre zaf varaya, bi xebatêka zehmete rayîrê ke girewîyaybî, demêko kilm de resî rê akerdî.
Herêman de ke bi pêroyî 98 taxe û 14 rayîrê grûban resî rê girewîyaybî, ekîban rayîranê ke 625 kîlometreyî derg bî, tede xebatêka zehmet kerde. Xebatan de ke 18 wasitayî û 67 karkerî bi fedekarîye xebitîyayî, demêko kilm de heme rayîrî resî rê ameyî akerdene û mexdurîyetê şarî ame ortey ra wedarnayene.
Serekîya Daîreya Pawitişê Rayîran û Koordînasyonê Binawanî, seranserê bajarî de vera şertanê zimistanî xebatanê xo bêvindertene dewam kena.