Şaredarîya Amedî ya Şaristanê Girdî 10ê Teşrîna Peyêne de şubeyê diyine yê Aşxaneyê Şarî akena.
Şaredarîya Şaristanê Girdî, hûmara Aşxaneyê Şarî ke şarê feqîrî rê werdê erjan, pak û weş dana, zêde kena.
Serekîya Daîreya Xizmetanê Sosyalan a Şaredarîya Şaristanê Girdî ke 29ê Tebaxe de Kuçeyê Hunerî yê Taxa Kooperatîfan a Qezaya Yenîşehîrî de Aşxaneyê Şarî akerdbî, seba şubeyê dîyine Cadeyê Emekî yê Taxa Mewlana Xalid a Qezaya Baglarî de xebatê xo qedênayî.
Aşxaneyê Şarî yê Qezaya Baglarî ke roja yewşeme ra teber her roje saete 12:00-17:00î de xizmet dana, tede 4 tewir werdî bi 70 lîra yenê dayene. Aşxaneyê Şarî goreyê kapasîteya xizmetê 1000 kesan ameya viraştene.
DBB'yî şar dawetê akerdişî kerd
Şaredarîya Şaristanê Girdî şar dawetê akerdişê şubeyê dîyine yê Aşxaneyê Şarî kerd.
Şaredarîya Şaristanê Girdî goreyê hewcedarî û waştişan do hûmara Aşxaneyanê Şarî zêde bikero."