Taximê futbolî yê Herêma Kurdistanî Zaxo û Amedspor do Amed de maçêkê dostanî kay bikerê.
Xeylî wexto ke beyntarê îdarekaranê Amedspor û Zaxosporî de pêvînayîşî yene kerdiş.
Goreyo ke ajansê dayo pêhesnayîş, maçê dostanî yê mabênê Amedspor û Zaxoyî do 23ê Adara 2025î Amed de bêro kaykerdiş.
Maç do 23ê Adare saete 20:00 de Stadyûma Dîyarbekirî de bêro kaykerdiş.
No maço ke terefdarê her di taximan zî demêko derg o mesajanê dostanîye danê sey "El Clasîcoya Kurdan" yeno namekerdiş.
Amedspor Lîga Yewîne ya Trendyolî de kay keno û Zaxo zî lîga Stêrkanê Îraqî de kay keno.
Amedspor wayîrê grûba terafdaranê tewr qelebalixî ya Tirkîya yo. Zaxospor zî Lîga Stêrkanê Îraqî de wayîrê grûba teraftaranê tewr qelebalixî yo.
Yeno vatiş ke, nê rojan de detayê nê maçî do bêrê parakerdiş. Xebera na maçî heta nika medyaya sosyale de vengdayîşêko gird viraşto.
