Roja Dinya ya Çîyêk Nêkerdişî her serre welatanê zaf cayan de, seba wa însanî bineyke boya xo veradê, yena pîrozkerdene. Na roja xusûsî de însanî xo teşxeleyê rojane ra dûrî fînenê û wext danê xo.
Dinya de bi mîlyonan însanî her roje xebitîyenê û mîyanê teşxeleyêkî de yê. Serranê verênan de Roja Dinya ya Çîyêk Nêkerdişî ameye pêşnîyazkerdene ke însanê ke hetanî peynîya serre mîyanê yew tempoyî de yê, qet nêbo rojêk xo bîyarê xo vîrî û tena xo reyde bimanê.
ROJA DINYA YA ÇÎYÊK NÊKERDİŞÎ ÇI YA?
Roja Dinya ya Çîyêk Nêkerdişî, 1973î ra nata seba kêmkerdişê stresê rojane û bi armancê rehetkerdişî yena pîrozkerdene. Na roje de bi çîyêk nêkerdişî, kesî stresê xo kêm kenê. Qelebalixê rojane, kar û prosesanê bînan de însanî xo xo vîr ra kenê, coka na roje de rehetkerdişî reyde wazenê ke merdim reyna hişê xo bêro xo ser. Na roje ke verê verkan hetê nuştox Harold Coffînî ra ameya pêşnîyazkerdene, seba bêhereketî, bêvengî û rehetkerdişî yew fersend dana.
ROJA DINYA YA ÇÎYÊK NÊKERDİŞÎ KEY A?
Na roja manayine ke 1973î ra nata yena pîrozkerdene, kewena 16ê Çeleyî. Her serre 16ê Çeleyî de kesê ke na roje de çîyêk nêkenê, tena xo reyde manenê, benê rehet û xo kaosê teberi ra dûrî fînenê.