ZAZAKÎ NEWS - Hunermendanê tewr namdar û vengdaran ê Kurdan ra Mikaîl Aslan rayîrê xo yo 30 serrî yê hunerî bi muzîkêko taybet yo ke nameyê xo "Dîdar" o, vecîyeno verê heskerdoxanê xo.
Hunermendo Dêrsimij Mikaîl Aslan 30 serrîya hunere xo bimvarek keno.
Çend kesê bînî zî pa Mikaîl Aslan vecîyenê sehne
Na şewa taybete de, çend hunermendê bînî zî semedê paştîdayîşê ey vejîyenê sehne
Beşer Şahîn, Mem Ararat, Erkan Ogur, Cem Erdost Îlerî û Cemîl Qoçgîrî, do deyîran vajê.
Premyera muzîkalî ke şopê cuya hunermendî zî tede ca genê şewa Yewşeme 27ê Nîsane de Merkezê Şanoyî yê Bostancîyê yê Îstanbulî de yena viraştene.
Aslan karîyerê xo yê 30 serrî yê hunerî de berhemê sey Agêrayîş, Miraz, Zernkut, Petag û Xoza îmze kerdo û serra vîyarte zî bi Cemîl Qoçgîrî reyde bi munasebetê 30 serrîya rayîrê înan o muşterek o muzîkî, albumê "Rû bi Rû" pêşkêşê goşdarikerdoxan kerdbî.
21 serr o ke bi Cemîl Qoçgîrî reyde rayîrê hunerî de yo
Aslan ke karîyerê xo yê hunerî yê 30 serran de zaf albumê sey Agêrayîş, Mîraz, Zernkut, Petag û Xoza vetê, par bi munasebetê rayîrê 20 serrî yê muzîkê xo yo ke bi Cemîl Qoçgîrî reyde yo, albumê "Rû bi Rû" pêşkêşê heskerdoxanê xo kerdbî.
