Dadgehî 5 aşmî cezaya hepisî da Hemsereka Şaredarîya Dêrsimî Bîrsen Orhan.
Wezaretê Karê Zereyî yê Tirkîya 22ê Kanûne Serra 2024î de hemserekê Şaredarîya Dêrsimî yê DEM Partî kar ra dûrî vistbî û cayê înan de qeyum amebi tayînkerdene.
Badê tayînkerdişê qeyumî Dêrsim de protestoyê razînêbîyayîşî dest pêkerd û mabênê şarî û hêzanê emnîyetî de têmîyanbîyayîş vejîyaybî.
Hemsereka Şaredarîya Dêrsimî Bîrsen Orhan 22ê Kanûne Serra 2024î de seba vatişê xo yê wextê protestoyan ameybî tepiştiş û cezaya hepisê keyeyî amebi dayîş.
Dewa ke derheqê Bîrsen Orhane de abîyabî, ewro Dadgehê Cezaya Yewine ya Dêrsimî de amey vînayîş.
Dadgehî vatişê aye yê "dagirkerî" û "têkoşînî" yê wextê protestoyê qeyumî seba ke sey tehluke dî, 5 aşmî ceza da ci.
Bîrsen Orhane bi xo beşdarê ronişteya dewaye nêbîye labelê avukatê aye dadgehe de amade bîy.