Kovara Nûbihar Akademîye bi humara xo ya vîst û diyin vera rayaperoyî ya akademîya kurdî de ya. Nûbihar Akademîyê bi na humara xo hem yewendes serrê xo temam kerdî, hem zî prosesa amadekerdişê aye de, DOAJ sere de çend îndeksê miyanneteweyî û bawerbiyayoxan ra qebûl girewt.
Dosyaya na humare binê îdareya Abdurrahman Adak & Şehmus Kurtî de “Medreseyên Kurdan” ser ameya amadekerdene.
Na humar peropîya new meqaleyan ra yena pê. Nê meqaleyan ra hîre hebî mewzûyê dosyaye ser û şeş hebî zî mewzûyanê peroyîyan ser ê. Hetê ziwanî ra zî di meqaleyî kurdkîya sorankî, yew kurdkîya zazakî û ê bîn zî kurdkîya kurmanckî yê. Meqaleyê peroyî yê na humare hîre hebî warê edebîyatê klasîk, yew warê edebîyatê modern, yew warê ziwan, yew zî warê tarîx ra ya.
Lîsteyê meqaleyan ke humara vîst û diyin ya Nûbihar Akademîye de ca genê no qeyde yo:
1. Sevim Hatun Sürücü & Zafer Açar
Mem û Zîna Ehmedê Xanî de Dubarekerdişê Çekuyan (Cotepeyv)
2. Önder Beyter
Çimeyê Fîkrî yê Feqîyê Teyran
3. Müjde Süleyman
Beyntarê Menzûmeya Şêxê Sen’anî yê Feqîyê Teyran û Nezîreya ey yê Xemgînê Xanî de Têvernayîşêk
4. Mehmet Yergin
Şîîrê Mela Ehmedê Xasî yê Kurdkî (Kurmanckî, Zazakî) û Tirkî
5. Leyla Polat
Romanên Bextiyar Elî de Reyê Pakkerdişê Trawma
6. Karwan Salih
Vînayîşê Kurdnaso Berîtanyayij Major Soaneyî de Kurdî /کـورد د ھزروبیـرێن کـوردناسـێ بەڕێتانی مێجەرسۆنیدا
DOSYA:
Medreseyê Kurdan
Edîtor:
Abdurrahman Adak & Şehmus Kurt
7. Krekar Aziz
Qezayê Xoşnawetî de Hucra / حوجرە لە ناوچەی خۆشناوەتی
8. Hêriş Kemal Rêkanî
Medreseya Qubehan de Keşkûlê Şîîrê Kurdkî /كهشكۆلێن ههلبهستێن كوردى ل مهدرهسهيا قوبههان
9. Rizgar Cabbari
Averşiyayîşê Meqamê Kurdkî de Rolê Tekyeya Talebanî /ڕۆڵی تەکیەی تاڵەبانی لە پەرەپێدانی مەقاماتی کوردیدا
Dosyaya humara ameyox ya Nûbihar Akademîye (humara vîst û hireyine) do ser mewzuya “Vegêrana Gelêrî ya Kurdî” bo û Doç. Dr. Kenan Subaşı do edîtorîya dosyaye biko.
Metnê tam yê meqaleyanê na humare û ayê humaranê verênan keyepela cêrîn yê kovare Nûbihar Akademîye ra şima eşkenê biwanê û bigirê:
https://dergipark.org.tr/tr/pub/nubihar
