ZAZAKÎ NEWS - Hunermendo Amedij Mahsun Kırmızıgül seba problemanê xo yê qelbî şi nêweşxane
Hunermend û derhênero Zaza yo Amedij Mahsun Kırmızıgül, aşmanê peyênan de rojanê zehmetinan vîyarneno. 6ê Kanûna 2024î de maya ey Faike Bezencir, dima ra zî damarîya ey Zühre Bazencir dinayaya xo bedilnaybî. Badê zî hevalê ey yo nêzdî Serşat Erbilgin merdbi.
Kırmızıgülî, badê zî xebera mergê hunermendanê ke o tira zaf hes kerdêne Edip Akbayram û Volkan Konak pêhesîya.
Ame musayîş ke Kirmizigül Îstanbul de şîyo beşê Kardîyolojî yê Nêweşxaneyê Dr. Sadi Konukî yê Bakırköyî û uca de çend testî kerdî. Ame zanayîş ke badê kontrolan rewşa weşîya ey baş a.
Hunermendo zerrîşikîte hesabê xo yê medya sosyale ser ra beyanatêk pare kerd û va "Zerrîya mi veşena, çîyê ke demo peyên de ameyê mi ser zerrîya merdimî perîşan kenê"