Hunermendo Kurd Mem Araratî, seba Dersê Weçînitî ya Kurdkî vengdayîş kerd
Serra perwerdeyî ya 2025-2026î de sinifanê 5., 6., 7. û 8. de seba dersanê weçînitîyan qeydê dersê kurdkî (kurmanckî û zazakî) dest pêkerd.
Wezaretê Perwerdeyê Neteweyî yê Tirkîya eşkera kerdbî ke serra perwerdeyî ya vîyarte de 31 hezar û 199 wendekaran dersê kurmanckî û 3 hezar û 805 kesan zî dersê zazakî weçînabî.
Serra wendegehî ya 2025-2026î de wextê weçînayîşê dersanê weçînayeyan 3ê Sibate de dest pêkerd û hetanî 17ê Sibate dewam keno.
Mem Araratî kemîyanê Kurdan de zaf yeno heskerdiş, hesabê xo yê Xî ra seba dersanê kurdkî beyanat da.
"Ma ganî kurdkî weçînê"
Araratî wina va: "Senî ke ruhê însanan esto, ruhê miletan zî esto.
Mi gore ruhê miletan, kulturê ê miletî û ziwanê ey yo. Eke ziwan bimiro, kultur zî mireno û tarîx tena sey rîpelêkê kitaban maneno.
Embazêno, ma ganî kurdkî weçînê.
Kurdîtî bê kurdkî nêbena!"
