Partîya Heq û Azadîyan (HAK-PAR), Partîya Demokrata Kurdistanî-Vakur (PDK-BAKUR), Partîya Sosyalîsta Kurdistanî (PSK) û Partîya Welatparêzanê Kurdistanî (PWK) do roja 16ê Adara 2025î de Jînosîdê Helebçeyî bîyarê vîr. Çalakîyê vîrardişî do hem Amed de hem zî Stenbol de bêrê organîzekerdene.
Goreyê beyanatî, Amed de çalakî do roja yewşeme saete 10:30 de verê Camîya Girde de, bi yew beyanatê çapemenî û vindertişê rêzgirtişî bêro kerdene.
Heman partîyî, bê PDK-BAKURî, do Stenbol de zî çalakîyan organîze bikerê. Saete 14:00 de Teşkîlatê Stenbolî yê HAK-PARî de bi semîner, musnayîşê sînewîzyonî û wendişê şîîran, dima zî saete 15:30 de verê Îstasyonê Metroyî yê taxê Aksarayî de bi yew kombîyayîşê çapemenî do beyanatê muşterekî bêro wendiş.
Partîyan heme şarî dawetê nê çalakîyanê vîrardişî kerdê.