Dayîka Aştî Sakîne Arat ke bi serran o semedê aşitî micadele kerd, vizêr şan şî heqîya xo ser.
Sakîne Arat a ke wextêkê dergî ra yo semedo ke wa aşitî bêro weşal û pêameyîş bibo xebatî kerden dinyaya xo bedilna.
Hîkayeya aye:
Sakîne Arat emrê xo mîyanê xebatanê aştî û azadîye de vîyarnayo. Mîyanê nê xebatan de bîyayîş helbet xo reyde bedelêko gird zî ano. Dayîka Sakîne serewedaritişê Şêx Seîdî ra nat dejêk ancena. O wext zî keyeyê aye ameyo surgunkerdene, dima ra agêrenê Amed. Heşt heb gedeyê dayîka Sakîne est ê. Aye bi ked û xebata xo heme gedeyanê xo pîl kena. Yew lajê aye qezaya trafîkî de mireno. Kênaya aye Semra zî seba ke aye bizor zewicnenê, xo kişena. Lajê aye Cemal Arat 2ê adara 1984î de rojeyê mergî de Hepîsxaneyê Amedî de mireno. Lajê aye yê bînî Tacettîn û Mûrat benê gerilla û koyan de mirenê.
Dayîka Sakîne o wext zî wina vana: "Mi gedeyê xo vîndî kerdî la mi hêvîya xo vîndî nêkerde. Seba ke aştî bêra nê welatî ez xo ver dana."