Goreyo ke zanîya Salwan Momika ameyo kiştiş.
Salwan Momika verê cû Quran veşnabi.
Goreyê medyaya Swêdî, Salwan Momika ke Swêd de bi veşnayîşê Quranî amebi şinasnayîş, weşanê ganî yê medyaya sosyalî de bi gule ameyo kiştiş.
Goreyê rojnameyê Aftonbladetî, Salwan 
Momika yo 38 serrî wexto ke bi TikTokî weşanê ganî kerdêne ameyo kiştiş.
Vervatoxê Polîsê Stockholmî Daniel Vikdalî zî va ke, polîsan zereyê bîna û cayê ey de cigêrayîş kerdo.
Momika seba hedîseyanê veşnayîşê Quranî yê ke serra 2023î de kerdî bi sucdarîya "vilakerdişê kînê nijadî" amebi sucdarkerdiş û ewro saete 11:00î de dewaya ey de do qerar biamêne dayîş.
