ZAZAKÎ NEWS - Wezareta Karî û Karubarî ya Îraqî her aşme maaş dana 2 hezar û 300 cinîyanê Kurdanê Êzidiyan ê ke destê DAIŞî ra xelisîyayê.

Raybera Wezareta Karî û Karubarî ya Îraqî Serab Îlyasî va ke, hetanî nika 2 hezar û 300 cinî û keynayê Kurdanê Êzidiyan maaş gênê.

Serab Îlyasî va ke, cinî û keyneyê Kurdanê Êzidiyan çarçewaya Qanûnê Hûmara 8ine yê Cinîyanê Xelisîyayeyanê Êzidiyan de maaş gênê.

Parlamentoyê Îraqî Qanûnê Hûmara 8ine yê Cinîyanê Xelisîyayeyanê Êzidiyan qebul kerd.

Goreyê qanûnî, ganî hemê xelisîyayeyê destê DAIŞî bêrê tezmînatkerdene.

DAIŞî 3yê Tebaxe 2014ine de êrişê Şingalî kerd û bi hezaran Kurdê Êzidî kiştî û 6 hezar û 417 kesî remnayî.

Hetanî nika 3 hezar û 580 Kurdê Êzidî ameyê xelisnayene.

Goreyê vatena Serab Îlyasî her cinî û keynaya Kurde ya Êzidî kam welatî de bena wa bibo, a eşkena waştişê girewtişê maaşî pêşkêşê hikûmetî bikero.