Baroyê Dîyarbekirî kongereya xo yê 49. ya îstîsnayî viraşt û Abdulkadîr Guleç bi sereko newe yê baroyî.
Baroyê Diyarbekirî kongereya xo ya 49. ya îstîsnayî bi beşdarîya zaf avukatan û temsilkaranê rêxistinanê komelê sivîlî Merkezê Kongereya Kulturî ya Sezaî Karakoçî ya Diyarbekirî de viraşt.
Ewro, roja diyine ya kongere de, seba weçînayîşê serekê neweyî yê baroyî reydayîş virazîya.
Seba serekîya baroyî Abdulkadîr Guleç, Bariş Yavuz û Cengîz Baysal bî namzed.
2 hezar û 556 avıkatan rey da
Weçînayîşo ke Merkezê Kongereyo Kulturî yê Şaredarîya Bajarê Girdî Sezaî Karakoç de ame viraştene de 2 hezar û 556 avukatan reyê xo da.
Goreyê netîceyanê ke hema qetî nîyê, Abdulkadîr Guleçî zafaneyê reyan girewto û cayê Nahît Erenî de sey serekê neweyî yê Baroya Diyarbekirî ameyo weçînayene.