Tirmê Narîn Güran a 8 serrî ya ke 19 rojî yo ke vîndî bibî 3 km dûrê dewe de kişta dereyêk de ame vînayîş. Vajîya ke, Narîne ameya kiştiş.
Narîn Güran a 8 serrî ya ke 19 rojî yo vîndîbîyaye bî.
Wezîrê Karê Zereyî yê Tirkîya Alî Yerlîkaya derheqê dîyayişê cenazeyê Narîn Gurane de beyanat da.
Wezîrê Karê Zereyî yê Tirkîya Alî Yerlîkaya hesabê xo yê X-î ser o va: "Narîna ke dewa Çilûye ya qezaya Rêzane ya Dîyarbekirî de vînî bîbî, çi heyf ke cenazeyê aye hetê tîmanê cendirmeyan ra ameya dîyayene."
Narin Gurana 8 serre 21ê Tebaxe de dewa xo Çilûye de vînî bîbî û nêamebî dîyayene. Seba Narîne eynî roje xebatê gerayişî destpêkerdîbî. Serdozgerîya Komare ya Dîyarbekirî seba Narîne tehqîqat dabî destpêkerdene û netîce de datêê Narîne ke eyni wext de muxtarê dewe yo S.G. amebî tepiştiş.
Heta nika derheqê dîyayişê cenazeyê Narîna 8 serreye de tu malumatê bînî nêameyê vilakerdene.