Endama Komîsyonê Yewîya Ewropa (YE) Hadja Lahbîb, Şam de bi Serekê Rêveberîya Neweye ya Sûrîye Ehmed Şer reyde ameye têhet.
Sereka Komîsyonê Yewîya Ewropa Ursula von der Leyen zî ardimê 235 mîlyon euroyî îlan kerd.
Serekê Rêveberîya Neweye ya Sûrîye Ehmed Şer, Şam de bi Endama Komîsyonê Yewîya Ewropa ya Amadekarî, Rêveberîya Krîzan û Wekhevîye Hadja Lahbîbe reyde yew pêvînayîş viraşt.
Endama Komîsyonê Yewîya Ewropa (YE) Hadja Lahbîbe hesabê xo yê medyaya komelkî ser o beyanat da û va:
"Mi Şam de bi Serekê Sûrîye Şer reyde yew kombîyayîşo hîra û samîmî yo ke rewşa jeopolîtîka Sûrîye û herême ser o yo, viraşt.
Ma tîya de yê ke hewcedarîyanê şarî bivînê û hetkarîya xo bidomnê.
YE ardimêko newe yo însanî yo 235 mîlyon euroyî tedarik kena."
Lahbîbe da zanayene ke Sûrîye de yew mesajo zelal esto û ard ziwan:
"Paştîya Sûrîye ya heme sûrîyeyan a. Ganî rêveberîya welatî heme hetan bigêro xo mîyan.
Ez do mesajanê weşan yê rayedaran wezîranê YEyî rê vaja."
Sereka Komîsyonê YEyî Ursula von der Leyenî zî parakerdişê Lahbîbe para kerd û va:
"Sûrîye rayêka krîtîk de ya û wextê hêvî yo seba paştîyêka hîna weşe.
