Îdrîs Demir (40) ke Îstanbul de karê şutişê qotan kerdêne û nêweşîya sîlîkozîsî ey de vejîyabî, nêweşxaneyo ke tede tedawî vînêne de wefat kerd.
Qezaya Kanîreşî ya Çewlîgî ra nêweşîya sîlîkozîsî ra hûmara merdişan resaya 31 kesan.
Îdrîs Demirî ke serrê 2000î de Îstanbul Esenyurtî de atolyeyanê şutişê qotan ke tira vajîyeno "binê nerdîwanî" de kar kerdo û dima nêweşîya pişike sîlîkozîs ci de vejîyabî,
Îdrîs Demîr Nêweşxaneyê Perwerde û Cigêrayîşî yê Gazî Yaşargîlî yê Dîyarbekirî de tedawî vînêne û uca de wefat kerd.
Demir o ke zewicîyaye û pîyê 6 domanan bi, mergê ey ra dima hûmara kesanê ke Qezaya Kanîreşî ya Çewlîgî ra nêweşîya sîlîkozîsî ra merdê resaya 31 kesan.
Cenazeyê Demirî, Dewa Taşliçayî ya Qezaya Kanîreşî de defin bi.
