Baxçeyê Hewselî yê Dîyarbekirî hetê Walîtî û Beledîyeya Dîyarbekirî ra nênê pawitiş.
WeXto ke merdim kişta Bircê Kênayan ra şino war rastê çopan yeno û boya pîse ver mecbur maneno ke zinca xo bigîro.
Dikan û Cafeyê ke uca de falîyet kenê çopanê xo erzenê nata-weta. Tenya uca ney zaf cayanê Hewselî de merdim raştê çop û eşteyan yeno. Çopî bi rojan uca de manenê û Beledîye ê çopan arênêdana.
Baxçeyê Hewselî semedê Dîyarbekirî zaf muhîm ê, cayo tewr nêzî yo zergun yê Dîyarbekirî yê.
Baxçeyê Hewselî yê Dîyarbekir cayo ke merdim eşkeno tede boya xo verdo yo. Bi hezaran serrîyo ke Hewsel de karê citkarîye beno, erd yeno remitiş û erd, erdêko bereketin o.
Serra 2015î de demê serekîya Gultan Kişanake de Baxçeyê Hewselî û Sûrê Dîyarbekirî hetê UNESCOyî ra sey mîrasê dinya ameybî qebûlkerdiş û UNESCOyî Baxçeyê Hewselî girewtbi lîsteya Mîrasan a Dinya.
Enwer Yılmaz /Zazakî News