ZAZAKÎ NEWS - Qezaya Amedî Sûr de, goliko ke axûr ra remabi, badê nêzdîyê 9 mengan ame dîyayîş û teslîmê wayîrê xo ame kerdiş.
Dewa Simaqîye ya qezaya Sûrî de, golikê Sidîqa Kuta ya 85 serrî, wexto ke 3 aşmî bi, par aşma êlûle de axûr ra rema û hînî nêame keye.
Goliko ke êdî bîyo viştere, mîyanê nê demî de mîyanê hêgayanê dorûverê dewe de û hetê royê Dîcle de amebi dîyayîş, labelê seba ke remayêne nêameyêne tepiştiş.
9 aşmî yo ke şew û roj binê dewe de, hetê Dîcle de, mîyanê hêga û mêrgan de çêreno, şewa xo teber de viyarneno, labelê nêameyêne keyeyê xo.
Golik badê nêzdîyê 9 aşman dewa Farê, ke 5 kîlometre dûrî Simaqîye ya de şi yew axûre.
Wayîrê axûrî ferq kerd ke goliko remaye mîyanê dewarê ey de kewto axûre.
Xeberdayîş ser wayîrê viştereyî, şarê dewa Simaqîye şîyî dewa Farê û bi derzîna bêhişkerdişî golik ame bêhişkerdiş û bi pîkabe teslîmê wayîrê ey ame kerdiş
