ZAZAKÎ NEWS - Stenbol de operasyonê pêlê 5inî yê vera Şaredarîya Bajarê Girdî yê Stenbolî de, serekê şaredarîyanê Avcilar, Buyukçekmece û Gaziosmanpaşa zî tede, derheqê 47 kesan de qerarê girewtişî ame dayîş.
Tehqîqato ke Serdozgerîya Komare ya Stenbolî 19ê Adare de bi îdîaya "bêusulî û terorî" vera Şaredarîya Bajarê Girdî yê Stenbolî daybî destpêkerdiş dewam keno.
Serekê Şaredarîya Buyukçekmece Hasan Akgun, Serekê Şaredarîya Gaziosmanpaşa Hakan Bahçetepe, Serekê Şaredarîya Avcilarî Utku Caner Çaykara, Şaredarê Seyhanî Oya Tekîn, Şaredarê Ceyhanî Kadîr Aydar, Rayberê ÎSFALTî yê Kompanya Şaredarîya Bajarê Pîlî yê Stenbolî Burak Korzay û endamê Meclîsê Partîyî yê CHPyî Baki Aydoner zî mîyan de, derheqê 47 kesan de qerarê tepişyayîşî ame dayîş.
Keyeyanê înan de cigêrayîşî dewam kenê û kesê ke derheqê înan de qerarê tepişyayîşî ameyo dayîş nika nezaretxaneyan de yê.
Heta nika derheqê muhtewaya operasyonî û sebebê tepişyayîşan de tu beyanatêko resmî nêameyo dayîş.
