Amed de vaybîyayîşê şimiteyanê bêalkolî bîyo sebebê razînêbîyayîşê şarî û esnafan. Goreyê zamanê peyênan, fîyatê 1 lître awa meyweyan bî 50 lîre, kola bî 40 lîre û şimiteyê 200 ml zî bî 12 lîreyan.
Serekê Komelaya Ardimkerdişê Bayîyanê Tekelî (TBYD) Erol Dündarî îzah kerd ke sebebê sereke yê nê zêdebîyayîşî, berzbîyayîşê mesrefanê îmalkerdişî û neqlkerdişî yo. Dündarî va: "No zam tesîrê her qismê sektorî keno. Hem esnaf hem zî şar na rewşe ra zerar vîneno."
Şarî ra Hasan Demirî ard ziwan ke no zam barêko giran o butçeya keyeyî ser û va: "Verê gama ke ma şîyênê seyran, ma eşkayênê çend şîşeyê awa meyweyan yan kola bierînê, la nika no zî bîyo luks. Êdî zehmet o ke ma şimiteyê ke domanê ma ci ra hes kenê bierînê."
Esnafê herême vanê ke rîyê zamî ra rotişê înan kêm bîyo. Bayîyê tekelî û wayîrê marketan wazenê ke seba nê problemî çareserîyêka leze bêro dîyayene.
Şar û esnaf paweyê gamê berpirsîyaran ê seba ke vayîya şimitişan bêro kontrolkerdiş.
