ZAZAKÎ NEWS - Pena Kurd û Komeleya Edebîyatkaranê Kurdan bi mêmandarîya Şaredarîya Peyasî, zêdeyê 100 nuştoxî, roşinvîrî û wayîrê weşanxaneyan ardî têhet.
Pena Kurd û Komeleya Edebîyatkaranê Kurdan bi hetkarîya Şaredarîya Peyasî Dîyarbekir yew şewe tertîp kerd.
Destpêkê kombîyayîşî de Hemserekê Komeleya Edebîyatkaranê Kurdan Fatma Taşlı Tunç qiseykerdişêk kerd û va: "Ma nê têardişê nuştox, roşinvîr û weşangeran zaf keyfweş bîyê. Ma ver de Kongreya Komeleya Edebîyatkaranê Kurdan esta û ez hêvî kena ke ma na zerrîgermîya ke tîya vejîyaya werte, Kongreya Komeleya Edebîyatkaranê Kurdan de zî bivînê."
Dima ra Hemserekê PENa Kurdî Omer Fîdan qisey kerd û îfade kerd ke, seba organîzekerdişê na organîzatorîye, ez nameyê pêrûna nuştoxan ser keyfweş bîya û sipasîya Şaredarîya Peyasî kerd.
Dewamê qiseykerdişê xo de va: "Kongreya Pena Kurdî do 15ê Gulane Roja Roşanê Ziwanê Kurdkî de bêra viraştiş. Goreyê naye, bi munasebetê 15ê Gulane roja Roşanê Ziwanê Kurdkî, ma do pi paştîdayîşê PENa Mîyanneteweyî, Amed de yew konferansêko mîyanneteweyî organîze bikerê. Eynî wext de, demêko nêzdî de heyecano ke nika tîya de peyda biyo, ma wazenê Kongreya PENa Kurdî ya ke do bêro organîzekerdiş de zî bivînê. Reyna ma seba mêmandarîya Şaredarîya Peyasî sipasîyanê xo yê nuştoxan pêşkêş kenê."
Werdê paştîdayîşî de Hetkarê Hemşaredarê Peyasî Yilmaz Guneşî zî îzah kerd ke ê qîmetêko pîl danê ked û xebata nuştoxanê Kurdan û va "Seba averşîyayîşê ziwan, kultur û edebîyatê Kurdkî do xebatê ma dewam bikerê. Seba hetkarî û averberdişê nuştoxan, berê ma her wext akerde yo" û keyfweşîya xo mojna.
Tewr peynî nuştox û cigêrayox Hecî Ozkalî zî bi Zazakî qiseykerdişêk kerd û behsê rewşa zazakî ya peyêne kerd. Ozkalî semedê têhetameyîşê nuştoxanê Kurdan keyfweşîya xo îfade kerd û seba kesanê ke kede daya û nuştoxî ardê têhet sipasîya xo pêşkêş kerd.
Kombîyayîş bi antişê fotrafan peynî bi.
