Amedsporî ke lîge de 5 maçanê xo de 8 puanî arê kerdî, wextêko derg ra dima do sehaya xo û temaşekaranê xo ver de Bolusporî keno mêman.
Tereftarê Amedsporo Lîga 1. ya TFFî de kay keno, wextêko derg ra dima do maçê taximê xo temaşe bikerê. Seba ke Stadyumê Dîyarbekirî tadîlat de bi Amedspor demêk mecbur mend ke maçanê xo yewna bajarî de kay bikero.
Amedspor emşo keyeyê xo de Boluspor dir yeno têver. Maç saete 19:00 de dest pêkeno.
Hedefê Amedsporî tenya no yo ke 3 puanan bigîro û lîge de bi îsrar bimano. Çi heyf ke hetanî nika semedê maçê emşoyî zaf kêm biletî ameyê rotiş. Seba ke eynî saete de derbîya Fenerbahçe-Galatasarayî esta, aseno ke terefarê Amedsporî eleqe nîşanê maçî nêdê. Ameyo zanayîş ke hûmarê biletanê ke verê maçî bi saetan ameyê rotiş 5 hezarî ê.
Maç kamcîn kanalî de yo?
Maçê Amedspor-Bolusporî ke do 21ê Êlule roja şeme bêro kaykerdîş saete 19:00 de yo. Maç do Stadê Dîyarbekirî de bêro kaykerdiş. Yeno pawitiş ke maçê Amedspor-Bolusporî bi ganî beIN SPORTS MAX 1 ser o bêro weşanayîş. Nêzanîyeno ke TRT Spor do maçî ganî biweşano yan ney.