ZAZAKÎ NEWS - Serekê Herêma Kurdistanî Nêçîrvan Barzanî Serekkomarê Tirkîya Recep Tayyîp Erdogan reyde pêvînayîş kerd.
Serekê Herêma Kurdistanî Nêçîrvan Barzanî, bi dawetkerdişêko resmî seba beşdarîya Foruma Dîplomasîye ya Antalya ya Çarine ame Tirkîya.
Foruma Dîplomasîye ya Antalya bi organîzatorîya Serekkomarê Tirkîya Recep Tayyîp Erdogan û Wezîrê Karê Teberî yê Tirkîya Hakan Fîdan Antalya de dest pêkerd.
4 hezar mêmanê zereyî û 20 serek û serekwezîrî, 50 wezîrê karê teberî yê welatan, 70 wezîrê bînî yê welatan, 60 temsîlkarê dezgehanê mîyanneteweyî beşdarê forumî bîyî.
Serekê Herêma Kurdistanî Nêçîrvan Barzanî zî mîyanê ê 20 serek û serdaranê ke bi resmî hetê Hukmatê Tirkîya ra ameyê dawetkerdene de yo.
Serekkomarê Tirkîya Recep Tayyîp Erdogan qiseykerdişê destpêkerdişî yê Foruma Dîplomasîye ya Antalya (ADF2025) pêşkêş kerd.
Serekê Herêma Kurdistanî Nêçîrvan Barzanî û Serekkomarê Tirkîya Recep Tayyîp Erdogan têkilîyê dihetî û rewşa herêmî munaqeşe kerdî.
