ZAZAKÎ NEWS - Dêrsim de heşî ke hewnê zimistan ra haye bîyê û werd gêrenê ameyî vînayîş
Qezaya Pûlemûrîye ya Dêrsimî de heşî ke hewnê zimistanî ra aya bîyê û werd gêrênê ameyî vînayîş.
Ameyîşê wisarî reyde tebîet de hereketîye zêde bena, bi taybetî qezaya Pûlemûrîye ke bi populasyonê heşan bala şarî ancena de heşî hetanî dewan ameyî. Heşî ke cayê koyan de werd gêrenê telefonê cêbanê şarî reyde ameyî qeydkerdiş.
Uzmanî, îfade kenê ke populasyonê heşî herême de zaf zêde yo û şarî hişyar kenê ke ganî dîqet bikerê.
Heto bîn ra heşî ke hewnê zimistanî ra aya bîyê, aseno ke zaf zeîf bîyê.
