ZAZAKÎ NEWS - Tepiştişê Ekrem Îmamogluyî ra dima dolar û euro fir day. Dolar Bİ 40 lîre, euro zî bîyo 44 lîre.
Çarçewa cipersayîşê tehqîqatê Şaredarîya Bajarê Girdî ya Îstanbulî de derheqê 100 kesan de qerarê tepiştişî ame dayîş û Serekê Şaredarîya Bajarê Girdî ya Îstanbulî Ekrem Îmamoglu mîyanê înan de ca gêno.
Na operasyone ra dima bazaranê pereyan yê Tirkîya de vurîyayîşêko muhîm bi û bêqîmetbîyayîşê lîreya Tirkî resaye yew sewîyeya tarîxî.
Her dolarêkê Amerîka resa 40,90 lîreyanê Tirkî û euro 44 lîreyan de zî nêvinderte û heta bi 44,60 lîreyî şi.
Na operasyone ra ver dolar 36,69 lîre û euro zî 40,16 lîre bi.