Wezîrê Karê Zereyî yê Tirkîya Alî Yerlîkaya da zanayene ke şewatê Bolu de 76 kesî merdê.
Bajarê Bolu yê Tirkîya de Merkezê Kaşkaşî yê Kartalkayayî yo ke Koyê Korogluyî de yo, ewro serê sibayî saete 03:30 de yew otelê tûrîzmê zimistanî de şewat vejîya.
Wezîrê Karê Zereyî yê Tirkîya Alî Yerlîkaya cayê hedîseyî de hûmara tewr peyêne vila kerde.
Alî Yerlîkaya da zanayene ke şewatî de 76 kesî merdê.
Reyna Yerlîkaya îzah kerd ke nasnameyê 51 kesan ameyo tesbîtkerdiş û cenazeyê 45 kesan teslîmê keyeyanê înan bîyê.
Wezîrê Karê Zereyî yê Tirkîya Alî Yerlîkaya îzah kerd ke seba tesbîtkerdişê cenazayanê ke mendê do testê DNAyî bêro kerdene.
Hetêko bîn ra, Yerlîkaya da zanayene ke hedîse ser o 9 kesî ameyê tepişayene.