Dewaya Hemşaredara Sêrtî Sofya Alagaşî de 6 serrî û 3 aşmî cezayê hepisî ame dayîş.
Ddewaya Hemşaredara Sêrtî Sofya Alagaşî ke wextê xebatanê rojnamegerîye de bi îdîaya "Endamîya rêxistine" ameyne muhakemekerdiş, roniştişê 7. yê dewaye Dadgeha Cezaya Girane ya 5. ya Amedî de virazîya.
Sofya Alagaş nêamey roniştişî labelê avukatê aye Resûl Tamur û Pîrozhan Karalî Guler amade bîy. Endamê Meclisa Şaredarîya Sêrtî, hemşaredarê qeza û bajarokanê Sêrtî, MKG, DFG, MLSA, rêxistinê bajar û qezayan yê DBP û DEM Partî yê Amed û Sêrtî, Baroya Amedî, Serekê Baroya Sêrtî Muhammet Alptekîn, Konsolosxaneya Almanya, parlamenterê DEM Partî zî ameyî roniştiş.
Verê roniştişî zaf polîsî vernîya edlîye de ameyî bicakerdiş.
Dadgehe pawitişan ra dima, bi îdîaya "endamîya rêxistine" 6 serrî û 3 aşmî cezayê hepisî da Sofya Alagaşe.
