Paytaxtê Rûsya Moskova de vizê hela şanî çend terorîstan eşt salona konserî ser. Netîceyê hêrişê bi çek de 133 kesê sîvîlî ameyî qetilkerdiş.
Goreyo ke pêhesîya cergê rêxistina terorîstî DAIŞî nê qetlîamî girewto xo ser.
Labelê serekê Dewleta Rûsya Vladimir Putin Ukraynayê nîşan daano û vano: “Ma do heme kerdox û organîzatoran tespît bike û ceza bide ci .”
Rîyê nê qetlîamo ke Rûsya de kesanê sîvîlan ra hetê terorîstan ra ameyo kerdiş pêroyê welatî de Roja Şînê Neteweyî ame îlankerdiş.
Seke zanîyeno çend rojî verî Rûsya de weçînayîşê serekdewletî amebi kerdiş û Vilademîr Pûtîn newe ra bibi serekdewletê Rûsya.