Şaredarîya Amedî ya Şaristanê Girdî, cayê rotiş û serebirnayîşê heywanan ê ke Çêrmûge de serê 4 hezar metrekareyî de ameyo viraştene, xebatê ci qedênayî.
Serekîya Daîreya Karê Fenî, seba ke şarê Çêrmûge bieşko cayêko weş de karê rotiş û serebirnayîşê heywanan bikero, yew proje viraşt. Çarçewaya projeyî de ke bi 15 mîlyon TL ameya îhalekerdene, serê 4 hezar metrekareyî de cayê rotiş û serebirnayîşê heywanan ameyo viraştene.
Bi saya nê tesîsî, verê cû Çêrmûge de û qezayanê derûdorî de şarê ke bi heywandarîye meşxul benê, do bieşkê heywanê xo ke weye kenê, biroşê.