Şaredarîya Amedî ya Şaristanê Girdî Baxçeyê Miletî yê Yenîşehîrî de ke newe ra ame girewtene û rîyê bêmiqateyî ra zaf xirabîyayo, dest bi xebata hîraye kerd.
Hemşaredarê Şaredarîya Amedî ya Şaristanê Girdî Serra Bucak û Dogan Hatunî Baxçeyê Miletî yê Yenîşehîrî ke hetê Wezaretê Derûdor, Bajarwanî û Vurîyayîşê Îklîmî ra TOKÎyî rê ameyo viraştene û şaredarîye rê apey ameyo dayene, kontrol kerd û badê wezîfedarkerdişî ekîban dest bi xebate kerd.
Ekîbê Serekîya Daîreya Park û Baxçeyan ke parka ke şar tede keyf keno û vindeno, seba ke hîna rehet bikê xebatanê xo dewam kenê, Baxçeyê Miletî yê Yenîşehîrî de ke bêmiqateyî ra xirabîyayo, dest bi miqateyê nebatan, mobîlyayanê bajarî, roşnî û awanîyan kerd.
Cayê ke 54 hezar û 155 metrekareyî yo û Cadeyê Înanoglu, Kişla û Îstasyonî yê Yenîşehîrî de maneno, tede verê vaşê xerîbî ameyî arêkerdene û dima dest bi tarşnayîşê dar û nebatan bî.
Serekîya Daîreya Park û Baxçeyan do zemînê bazaltî ke xirabîyayo, mobîlyayê bajarî ke şikîyayê û zerar dîyo, roşnîyê cayanê kêmîyan, qadê sporî û cayê kayê gedeyan pêro newe ra virazo.
Şaredarîya Amedî ya Şaristanê Girdî hedef kena ke xebatê miqate û tamîrî ke çar hetan ra dest pê kerd, hîna lez temam biko.
