Qezaya Rezan a Dîyarbekirî ya Vakurê Kurdîstanî de yew keynaya 12 serreyî vîndî bîye.
Goreyê malumatan, qezaya Rezan de domana ke nameyê xo Ecrîn Erîm a, badê ke wendegeha xo ra ameya keye saetanê nêmroyî de keye ra vejîyaya û badê aye keyeyê ci tu xeber aye ra nêgirewta.
Ame zanayîş ke xeberdayîşê keyeyî ser o hêzê asayîşî dest bi cigêrayîşî kerdê.
Maya aye Buşra Ozmenî îzah kerd ke a û mêrdeyê xo yewbînan ra cîya yê û keynaya aye dermanê nêweşîya psîkolojîkî şuxulnena.
