ZAZAKÎ NEWS - Musabeqaya Hîkayeyan a Abdullah Duranî ya 14.ne ke hetê şaxê Eğitim Senî yê Dîyarbekirî ra ameya organîzekerdiş de, edîtorê Zazakî Newsî Enver Yilmaz zî layiqê xelate ame dîyayîş.
Musabeqaya Hîkayeyan a Abdullah Duran a ke hetê Şaxa Eğitim Senî ya Dîyarbekirî ra hadre bîya netîce bîye. Abdullah Duran, serra 2006î Dîyarbekir de merdbi û na Musabeqaya bi nameyê ey yena hadrekerdiş. Duran, o dem wendkarê sinifa 3. bi. Musabeqa, a roje ra heta ewro her serre bi nîzamî yena viraştene.
Musabeqa, bi di ziwanan, bi Tirkî û lehçeyanê Kurdkî Kurmanckî û Zazakî de ameya viraştene. Emser pêro pîya 86 hîkayeyê Tirkî, 14 Kurmanckî û 7 Kirdkî (Zazakî) seba Musabeqa ameyî erşawitene. Hemê eserî hetê jûrî ra ameyî sehnayîş û ê ke derece girewtî ameyî eşkerakerdiş.
Rojnameger û nuştox û ronayoxê Zazakî Newsî Enver Yilmaz, hîkayeya xo ya bi nameyê "Werdê Feqîran Fekê Mêmanan" layiqê xelate ame dîyayene. Yilmaz, ke Zazakî de di kitabê hîkayeyan û yew kitabê şîîran ê ey estê, verê cû zî bi hîkayeyanê xo yê ke nuştê û xeberanê ke amade kerdê zaf xelatî girewtê.
Xelatê Musabeqaya do 23ê Adare de wayîranê xo rê bêrê dayene.
Lehçeya Kurmanckî de; jûrî Ömer Dilsoz, Hamit Baydu, İsmail Dindar, Mehmet Dicle û Dawid Yeşilmenî:
Lehçeya Zazakî de: Jûrî: Süleyman Yılmaz, Bedriye Topaç, Deniz Gündüz û Abdullah Aren Çelîk;
Xelata yewine: Hîkayeya bi nameyê "Tirr Azad Nebo Qine Azad Nebano"
Xelata dîyine: Hîkayeya bi nameyê "Werdê Feqîran Fekê Mêmanan", Enwer Yılmaz
Hîkayeya bi nameyê "Xalxaloke Aryenî", Yakup Taşçı.
Zaza Cebelî bi hîkayeya xo ya bi nameyê "Hîkayeya Maya Lêlêyî" bi mansîyonê ameyo xelatkerdiş.
Xelata yewine: Bi hîkayeya bi nameyê "Hesp Bûkanî", Ferhadê Mihemmed Rihayî ra Xelata dîyine: Bi hîkayeya bi nameyê "Diran", Mahsum Arslan Hepîsxaneya Tîpa T a Burhanîyeyî ra Xelata hîrêyine: Bi hîkayeya bi nameyê "Keça Xelkê", Leyla Jana Stenbolî ra, ameyî weçînayene. Leyla Saraç Amedî ra hîkayeya xo ya bi nameyê "Gulîsorê" bi mansîyonê ameya xelatkerdiş.