ZAZAKÎ NEWS - Rojanê Kitabanê Kurdkî ke Dîyarbekir de dest pêkerd dewam keno. Labelê kitabê Kurdkî mîyanê rojî de binê tîje de veyşay şewe zî binê awa varanî de mendî, bîy hîy.
Rojê Kitabanê Kurdkî ke hetê şaredarîya Dîyarbekirî û Yewîya Weşanxaneyanê Kurdan (YEWKURD) ra organîze beno dewam keno. 33 weşanxaneyî, weqf û rêxistinê komelê sivîlî beşdarê Rojanê Kitaban bîyî.
Rojanê Kitaban 27 Gulane de dest pêkerd û 1 Hezîrane qedîyeno.
Labelê çi heyf ke semedo ke Dîyarbekir germ o zî Meydanê Şêx Seîdî de ca dîya weşanxaneyan.
Rojanê Kitabanê Kurdkî ke Dîyarbekir de dest pêkerd dewam keno.
— Zazakî News (@zazaki_news) May 30, 2025
Labelê kitabê Kurdkî roj binê tîje de veyşay şewe zî binê awa varanî de mendî pic.twitter.com/79NiAaGmTO
Roj bînê tîje şewe bine awe de…
Kitabê weşanxaneyan binê tîje de cara vêşayê. Roj çiqas germ o, şewe zî varanî suprîz kerd. Şewa bîne bi varayîşê varanî standê weşanxaneyanê Kurdkî binê awe de mendî.
Wayîrê weşanxaneyan lez kerdî ke xo biresnî kitabanê xo. Wexto ke resayê cayê çadiran dîyê ke kitabê înan pêro binê awe de mandê.
Ma tîya de rezîl bîyî
Yew wayîrê Weşanxaneyêk Zazakî Newsî ra va ke, gere cayêko serpadaye de ca bidêne. Semedo ke roj germ o kes nêno tîya. Ma bine çadiran da helesyay. Nika zî şewe varan dano ma rê. Kitabê ma şewa bîne bine awa varanî de mendî. Caea ma çend rojî yo ke tîya de rezîl bîyê.
