ZAZAKÎ NEWS - Rojanê Kitabanê Kurdkî ke Şaredarîya Şaristanê Girdî ya Dîyarbekirî organîze kerd, bi beşdarîya weşanxaneyanê kurdan Meydanê Şêx Seîdî de ame akerdene.
Rojanê Kitabanê Kurdkî ke Serekîya Daîreya Karanê Kultur û Sosyalan çarçewaya 15 Gulane Roşanê Ziwanê Kurdkî de Yewîya Weşanxaneyanê Kurdan (YEWKURD) reyde organîze kerd, ame akerdene. 33 weşanxaneyî, weqf û rêxistinê komelê sivîlî yê ke warê ziwanî de xebitênê, beşdarê Rojanê Kitaban bîyî. Rojanê Kitaban mabênê 27 Gulane -1 Hezîrane de Meydanê Şêx Seîdî de seba heskerdoxanê kitaban do akerde bibo. Rojanê Kitaban de 6 rojî panel, qiseykerdiş û goşdarîya şîîran bibê.
Qiseykerdişê akerdişî ra dima Grûba Peyal konserêk da. Şaro ke beşdarê akerdişê Rojanê Kitabî bîyî, pîya deyîran reyde govende girewte.
